Ішкі тәртіп
1. КОЛЛЕДЖ СТУДЕНТТЕРІНІҢ ІШКІ ТӘРТІП ЕРЕЖЕЛЕРІ
Жалпы ережелер
1.1. Колледж аумағында кіру үшін студент студенттік билетін (студенттік билет тек студенттің өзінде сақталуы тиіс және студенттік билетті басқа тұлғаға беруге болмайды,студенттік билетті жоғалтқан жағдайда , студент өзінің қаражатымен қайта орнату керек), көрсетіп кіруі керек, бөгде тұлғалар жеке куәлікпен тіркеліп кіруі тиіс.
1.2. Студент Колледжге сабақ басталғанға дейін 10-15 минут ерте келіп, сырт киімін шешіп, өз орнына отырып, сабаққа қажетті құрал- жабдықтарын дайындап ұялы телефондарын сөндіріп, сабақтан кейін қосып отыруы тиіс.
1.3. Колледжге суық қару, жарылғыш, атылғыш және өртке қауіпті заттар сонымен қатар спирттік ішімдіктер, есірткі, ақыл –есті адастыратын улағыш заттар алып келуге қатаң тиым салынады.
1.4. Студенттің сыртқы келбеті Колледждің этика нормасына сай болуы тиіс, ақ жейде, қара сым/юбка.
1.5. Оқытушының рұқсатынсыз студент Колледжден сабақ уақытында кетуге болмайды. Сырқаттануына немесе себеппен сабақ босатқан жағдайында топ кураторына хабарлауы тиіс. Сырқаттанған жағдайда бекітілген үлгіде амбулаторлық дәрігердің немесе емдеу мекемесінің анықтама қағазын тапсырады.
1.6. Колледж студенттері үлкенге құрметпен , кішіге қамқорлықпен қарап, сырттан келген үлкендерге сәлемдесіп жүруі керек.
1.7. Оқу орнынан басқа, яғни көше мен қоғамдық орындарда өзінің абыройы мен колледжіміздің жақсы атағына кір келтірмеуі үшін тәртіпті ұқыпты болуы тиіс.
1.8. Студент Колледж мүлкін тиянақты қарап және оны дұрыс сақтауы тиіс, яғни өзінің мүлкі сияқты қарау керек.
2. САБАҚ УАҚЫТЫНДАҒЫ ТӘРТІП ЕРЕЖЕСІ
2.1. Дәрісханаға оқытушы енгенде, студенттерге орындарынан тұрып сәлемдеседі, оқытушы сәлемдесіп болған соң орындарына отырады. Дәрісханаға енген кез-келген оқытушыға орындарынан тұрып сәлемдеседі.
2.2. Оқу сабақтары кезінде шулауға, өзінің және жолдастарының назарын сабақтан басқа заттарға көңілін аударуға, сөйлемеуге, басқа істермен айналыспауға, оқытушының сабақ бойынша барлық тапсырмаларын орындауға міндетті.
2.3. Оқытушыға сабақты аяқтауға қоңырау беріледі. Оқытушы сабақтың аяқталғаны жөнінде белгі берген кезде ғана, студенттер кабинеттен шығып кетуге болады.
2.4. Кезекші студент кабинетте қалады, тазалық пен ұқыптылыққа жауапты болады.
3. САБАҚ БАСТАЛҒАНҒА ДЕЙІНГІ,ҮЗІЛІС КЕЗІНДЕГІ ЖӘНЕ САБАҚ АЯҚТАЛҒАННАН КЕЙІНГІ ТӘРТІП ЕРЕЖЕСІ
3. Студенттің үзіліс кезіндегі міндеттері.
- отырған орнын жинақты және таза ұстауға ;
- кабинеттен шығуға;
- оқытушының және Колледж қызметкерінің өтінішін орындауға;
- оқытушының өтініші бойынша кабинетті келесі сабаққа дайындауға көмектесу;
- дәлізде және әжетханада тазалық сақтауға;
- асханадан және дүкеннен әкелген заттарының қалғандарын отырған орынға тастамау;
4.СТУДЕНТКЕ ТЫЙЫМ САЛЫНАДЫ:
4.1. Себепсіз сабақтан және практика сабағынан кешігуге немесе қалуға болмайды. Үш рет кешіккен немесе себепсіз сабақты жіберген студент сабаққа қатыспаған болып саналады.
4.2. Колледж аумағында, оқу корпусында, темекі шегуге және ластауға тиым салынады.
4.3. Бір-бірін итеріп,алысып, күш жұмсауға болмайды.
4.4. Өзгелердің намысына тиетін әдепсіздік танытуға, біреуді балағаттап құрметсіздік көрсетуге, шу шығаруға болмайды.
4.5. Сабақ уақытында телефонды пайдалануға болмайды, егер осы ережені бұзса, онда студенттің ұялы телефоны алынады.
5. СТУДЕНТТІҢ КЕЗЕКШІЛІГІ
5.1. Кабинет кезекшісінің міндеттері
- үзіліс кезінде кабинетте болуы;
- кабинеттегі заттарды ретке келтіру және сақтау.
- оқытушыға кабинетті келесі сабаққа дайындауға көмектесу.
- сабақ аяқталғаннан соң кабинет тазалығын ретке келтіру.
6.ҚОРЫТЫНДЫ
6.1. Студент оқу орнында жүргенде, оқу-өндірістік жаттығулар уақытында, сабақтан тыс мерекелік іс-шаралар уақытында айналасындағы адамдарға және өз өмірімен денсаулығына қауіпті әрекеттерге баруға құқы жоқ.
6.2.Сабақ уақытында, оқу-өндірістік жаттығуларда, сонымен қатар мерекелік іс-шараларда да Колледж ішкі тәртіп ережелері студенттерінің барлығына бірдей және міндетті.
6.3. Оқу және еңбек тәртіптерін бұзғаны үшін, колледж ішкі тәртіп ережесімен студенттерге тәртіптік шаралар қолданылады:
ескерту (оқытушымен, куратормен, бөлім меңгерушісімен ауызша түрде жасалады)
ескерту (жазбаша түрде жарияланады)
қатаң сөгіс;
колледж ішкі тәртіп ережесін бойынша, дөрекі сөйлеп тәртіп бұзған үшін колледжден шығарылады.